بسم الله الرحمن الرحيم
(إنهم فتية آمنوا بربهم وزدناهم هدى)
صدق الله العظيم
مجموعه من الشباب من جميع التخصصات قمنا بأبحاث وعملنا اختراعات ومعانا علم و أفكار ومشاريع تطور البلد وتضاعف الانتاج الزراعى والصناعي وتحقق الإكتفاء الذاتى من صناعة الدواء وبعلمنا ممكن ننمي التعليم والوعي .
ققرنا ليه نستنى ريس ولا حكومة تساعدنا وتتبنى افكارنا قررنا اننا نستغل افكارنا ونأسس مؤسسة تضمنا أحنا وأى شاب عايز يساعد .
كلمنا كل اصحابنا وشرحنا الفكره لكل الناس فى الميكرويصات والقطارات والاتوبيسات كلمنا الشباب فى انحاء مصر صعيد ووجه بحري ونزلنا ننفذ على ارض الواقع ونفذنا اكتر من مشروع ناجح فى الزراعة من غير رأس مال رأس مالنا علمنا وأفكارنا ووفرنا فرص عمل عن طريقه.
ولقينا أن الفكره بتجيب فكره ومفيش شاب مبيفكرش قررنا نعمل كتله بشريه تساعد اى حد فى اى حاجه مفيده ليه لأ .
انت شاب عندك فكرة، طاقة، رغبة في المساعدة، وقت فراغ او خبرات في اي مجال.
هتشتغل وتتعب وتنتج وتستفيد هنفذ مشروعك بس بشرط هتساعدنا تنضم لكلتنا البشريه وتساعد الشباب معانا زى مسعدناك .
ايه اللي هتخسره، على الاقل هتعرف ناس جديدة ممكن يساعدوك في اي حاجة. احنا مستعدين لاي شيء دون شروط ولا قيود.
عندك فكرة مجنونة كل ماتقولها لحد يقولك يا عبيط ، احنا بقى اجن منك.
اي فكره جرب بس تقولها مش هنخسر حاجه إبعت نبذه عنها إحنا هنكلمك بنفسنا وهنقابلك .
إحنا شباب عادى جدا زيك كل اللى جماعنا إيمانا بالفكرة .
فى مصر ألاف الجمعيات والمؤسسات لكن قائميين على التبرعات لكن إحنا قائميين على تنفيذ افكار غير تقليدية.
إحنا شوية شباب معانا خبره وأفكار جديده جدا هتستفيد وتفيد غيرك بالخبرات والماديات وهنقف معاك لحد متنفذ فكرتك اللى بتحلم بيها.
